Nxënësit e “Abaz Ajetit” të suksesshëm në kuizin e diturisë

Sukseseve të nxënësve të shkollës 9-vjeçare 'Abaz Ajeti", të arritura gjatë këtij viti shkollor para dy ditësh i u shtua edhe një sukses tjetër, ai i kuizit të diturisë në lëndët Histori, Gjeografi, Biologji dhe Matematikë, pasi ekipi i kësaj shkolle zuri vendin e parë në nivel komune të mbajtura në Prishtinë dhe të organizuara nga “ProKid”, në kuadër të emisioneve arsimore të KTV-së.

  • 115428998588156 731458974 n
  • 115429548588101 925610560 n
  • 115430478588008 2140661587 n

Ismet Azizi, mësimdhënësi i kësaj shkolle, që njëherësh  ishte edhe udhëheqës i nxënësve, theksoi se nxënësit e kësaj shkolle edhe në të kaluarën kanë pasur suksese kulmore, ndërsa kuizi i diturisë “proKid” është sukses në vete, si për nga vlerësimi i diturive të nxënësve po ashtu edhe nga mënyra e masovizimit të dijes.

Azizi tha se padyshim se meritat më të mëdha për këtë sukses të arritur në Prishtinë kanë nxënësit garues, Rreze Jerliu, Agnesa Jashari, Blenda Emini, Gentrit Murseli, si dhe mësimdhënësit e lëndëve përkatëse.

Përndryshe, zëvendësdrejtoresha  e kësaj shkolle Bukurije Musliu duke shprehur gëzimin e saj dhe të nxënësve garues, u shpreh se edhe në gara republikane do ta përfaqësojnë komunën e Gjilanit në mënyrë të dinjitetshme.

Të theksojmë se kuizi i diturisë “proKid” është një ndër kuizet më të avancuara momentalisht që po bëhen në televizionet nacionale, i ndarë në 4 nivele nga klasa e gjashtë deri në të nëntën, në lëndët e lartpërmendura./A.Arifi/

Kthehu