Ndërkohë që dimri na bën të përjetojmë shumë gjëra zbavitëse, koha e ftohtë sjell me vete probleme shëndetësore si gripi stinor, dhimbjet e fytit, ftohjen dhe pneumoninë.

Ekspertët e mjekësisë theksojnë se prindërit mund të marrim masa të ndryshme parandaluese për t’i mbrojtur nga këto sëmundje fëmijët por edhe vetë të mbrohen. Cilat janë këto masa do të mësoni në vazhdim:

-Vendosini batanijet, çorapet e trashë, peshqirët e thatë, dorezat dhe kapuçët në një vend të lehtë për t’u arritur.

- Ruani në shtëpi supë dhe ushqime të nxehta, të cilat do t’ju ngrohin gjatë stinës së dimrit. Konsumoni vazhdimisht pije të nxehta si çaji, kafeja apo të tjera. Çaji është shumë i mirë për dhimbjen e fytit. Çaji i gjelbër dhe çaji me limon dhe mjaltë janë pijet më popullore të konsumuara në ditët e ftohta.

- Sigurohuni që pjesëtarët e familjes tuaj të marrin vitamina të bollshme çdo ditë. Kur nuk gjeni pemë të cilat janë depo të vitaminave mund të përdorni hapat e vitaminave në mëngjes ose në darkë.

- Mos iu afroni personave të sëmurë dhe mos shtrëngoni duart me ta. Paralajmërojeni fëmijën tuaj të qëndrojë larg nxënësve të sëmurë në klasë. Kërkoni edhe vitaminat A, C, E dhe ato të cilat përmbajnë selenium dhe zink për t’u mbrojtur nga sëmundjet.

- Mbani në çantë tableta vitamine C edhe për dhimbjet e fytit. Nëse ndjeni shenjat e ftohjes apo gripit merrni menjëherë një nga këta tableta.

- Para se të vijë dimri gjeni dhe mbani në shtëpi qetësues dhimbjesh, zhbllokues hundësh dhe ilaçe kundër alergjisë. Kontrolloni dhe termometrin nëse punon.

- Përpiquni të qëndroni në shtëpi fëmijët dhe ju kur është shumë ftohtë apo kur bie shi. Mos e nxirrni fëmijën jashtë me flokë të lagura. Mbajini në vend të thatë dorezat, kapuçin dhe këpucët që përdor kur luan jashtë.

Se çfarë raporti do ta ketë fëmija në lidhje me mësimin dhe shkollën në përgjithësi, kryesisht varet nga prindërit. Faktorët që ndikojnë në suksesin e të mësuarit janë: fiziologjik (çlodhja, gjinia, mosha, struktura e sistemit nervor), fizik (kushtet në të cilat  mëson, temperatura dhe lagështia, koha e ditës, vendndodhja), materialin që gjendet para fëmijëve (madhësia, lloji, sa është i njohur ai material më herët...), faktorët psikologjikë (motivimi, aktiviteti para mësimit) dhe teknikat e të mësuarit.

Si do të ndikoni në formimin e përqendrimit te fëmija?

Ajo që fillon duhet edhe të përfundojë.

Fëmijët lehtë heqin dorë nga ajo që nuk i pëlqen apo që iu duket e vështirë. Kjo nuk vlen vetëm për mësimin, sepse ata kanë tendencë për të “ngritur duart e tyre” edhe nga trajnimet, apo nga ndonjë hobi, kur kërkohet më shumë përkushtim. Prandaj, që nga fillimi deklaroni shprehinë se gjërat që fillohen duhet të përfundojnë. Ndihmoni edhe ju. Për shembull, mos e ndërprisni ndonjë lojë të fëmijës, për të ngrënë drekë, por prisni deri në fund, duke e paralajmëruar vazhdimisht: “Do të hamë drekë për dhjetë minuta, deri atëherë përfundoni këtë që keni filluar”.

Sigurimi i kushteve të punës

Shkyçeni televizorin dhe çdo gjë tjetër që mund të shkëpusë vëmendjen e fëmijës tuaj gjatë mësimit. Edhe në qoftë se ish-shprehitë (ose ndoshta tuaja) e tij ishin si kjo, ajo ende nuk do të thotë se ato janë optimale. Në mënyrë të veçantë, kur një fëmijë është duke u përpjekur për të mësuar dhe në të njëjtën kohë është i kyçur TV-ja, kujtesa e tij është e ndarë dhe në të njëjtën kohë duhet të ndjekë dy përmbajtje, atë çfarë është duke mësuar dhe atë çfarë ka në programin e TV-së. Është ideale që të ketë dhomën e tij dhe tavolinën ku do të mësojë. Derisa mëson, lëreni atë vetëm dhe mos e ndërprisni.

Formimi i përqendrimit

Sidomos në klasë të parë, ndikoni në formimin e qëndrimeve, se leximi dhe dëgjimi, janë pjesë e rëndësishme e të mësuarit. Në fakt, ky është kushti për formimin e përqendrimit që do të nevojitet për fëmijën gjatë arsimimit në të ardhmen. Sa më shumë që fëmija përqendrohet në (klasë) orën e mësimit, pjesa më e madhe e të mësuarit të tij në shtëpi, do të jetë vetëm përsëritje. Megjithatë, përqendrimi ushtrohet dhe ndërtohet. Varësisht nga mosha e fëmijës, mund ta zhvilloni me lojëra të veçanta(  bashkimi  i pjesëzave të figurave, loja me baltë, pikturimi ... ) dhe aktiviteteve të tjera që kërkojnë që  përkrah atij aktivitet të kalojë disa kohë duke përqendruar vëmendjen. Për krijimin e shprehive të punës, është e nevojshme edhe këmbëngulja e juaj në pavarësinë e fëmijës për kryerjen e detyrave të shkollës. Si arrihet ajo?

Së pari obligimet

Kur ju vazhdimisht përpiqeni për të krijuar një ndjenjë të caktuar të obligimeve te fëmija, dhe ai më në fund e kupton se ju nuk do të hiqni dorë nga kërkesat tuaja, do të fillojë të ndryshojë sjelljen e tij. Ky proces do të jetë më i shkurtër në qoftë se   investoni kohë të mjaftueshme për të shpjeguar se pse ju këmbëngulni për diçka duke shpjeguar kërkesat tuaja. Kuptohet që kjo nuk do të jetë e lehtë për të parë fëmijën tuaj kur ankohet, apo me zë të lartë dhe në mënyrë të hapur tregon armiqësi ndaj jush, sepse e  “shtyni” për të mësuar në shkollë ose në kryerjen e obligimeve. Në vend se të mendoni për ndjenjat e fëmijës dhe ngurrimit për të mësuar, shikoni për të ardhmen e tij.

Shembuj personal

Tregoni me shembull personal se sa efikas, më të shpejtë dhe më të qetë jeni, kur keni mbaruar detyrimet tuaja, duke u argëtuar gjatë kohës së lirë. Kur një fëmijë e kupton se ndonjëherë është e mjaftueshme vetëm gjysmë ore për të qenë gati për  ditën e nesërme të shkollës, do të jetë shumë më i gatshëm në kohën kur fillon vërtetë të mësojë dhe do të rrisë përqendrimin e tij në maksimum. Sipas shembullit tuaj, ata do të mësojnë që kur të kthehen nga shkolla, duhet së pari të kryejnë detyrimet e tyre( për të larë duart, ngrënë drekë, të pushojnë, mbarojnë detyrat për nesër ... ), pasi atëherë do të kenë kohën e lirë, për të bërë gjërat që dëshirojnë.

Mësimi, përgjegjësi e fëmijës

Që nga fillimi, krijoni zakonin të mos mësohet së bashku me fëmijën. Ju mund ta dëgjoni me vëmendje, të shqyrtoni detyrat e shtëpisë dhe të ngjashme, por jo të mësoni së bashku, ose (për shembull, të lexoni lekturën dhe të përshkruani kuptimin e saj). Nga ana tjetër, mos nxitoni të uleni pranë fëmijës dhe as të ndërprisni vazhdimisht punën e tij duke e pyetur se deri ku ka arritur, pasi ashtu e dekoncentroni. Edhe pse fillimisht është i ngadalshëm, është e rëndësishme që në mënyrë të pavarur të fitojë se sa orë duhet të kalojë duke mësuar, ose një kombinim i të mësuarit dhe argëtimit.

Fjalët e “rrezikshme”

Ruajuni nga fjalët që janë dekurajuese për fëmijën, “nuk është e vështirë”, “nxehe karrigen”, “e jotja është vetëm për të mësuar”, “askush nuk më ka ndihmuar mua në moshën tuaj...”, “mësuesi ka gjithmonë të drejtë ...”. Në këtë mënyrë i tregoni atij se ju nuk e kuptoni, nuk jeni mbështetja e tij, por dikush nga një pozitë e autoritetit prindëror që kërkon diçka nga ai, që ndoshta realisht nuk mund ta ofrojë.